Landsburgers wat uitgesien het na hul einde-van-jaar-vakansie weg van die huis af, sal dit nou moet bedink en uitwerk of hul begroting enige soort padreis hoegenaamd kan akkommodeer, aangesien brandstofpryse bly styg,” wys Neil Roets HUB van Debt Rescue uit.
“Met owerhede wat meer brandstofprysstygings in die komende maande voorspel – vernietig dit enige hoop op enige vorm van uitstel van die meedoënlose finansiële druk,” voeg hy by.
Die Automobielvereniging sê dit bly kommerwekkend dat, in die lig van hierdie verhogings, die regering stilbly oor sy planne, indien daar enige is, oor ‘n pad vorentoe om meer doeltreffend met brandstofprysverhogings te gaan.
Roets stem saam en waarsku dat hierdie jongste brandstofprysverhoging mense sal stoot tot by die punt van geen terugkeer, waar hulle nie meer die plesier kan geniet om een keer per jaar met vriende en familie te skakel nie. “In hierdie stadium plaas elke styging in lewenskoste ‘n steeds groeiende stukkie lewe buite bereik vir miljoene Suid-Afrikaners, van wie baie nie meer in staat is om selfs die basiese benodigdhede, soos drie behoorlike voedsame maaltye per dag, te bekostig nie. Ons benodig ons regering om standpunt in te neem,” sê hy.
